Futbollistët e huaj të Dynamo Kievit dhe Shakhtar Donetskut janë larguar më në fund nga Ukraina, ku qëndruan të ngujuar në hotel për disa ditë, pas luftës që nisi në këtë vend.
Mediat e huaja raportojnë se futbollistët brazilian kanë shkuar me tren në Rumani, shkruan “Gazeta Express”.
Ata i kishin bërë thirrje qeverisë braziliane që t’i ndihmonte, përmes dy videove të publikuara brenda di ditësh.
Televizioni brazilian “Globo” publikoi video me lojtarët që po largoheshin nga Ukraina.
“Ne po largohemi tani. Ambasada na njoftoi se tre trenë janë duke u larguar nga këtu. Po shkojmë në një konvoj së bashku me krejt brazilianët në stacion. Është shumë e frikshme”, thonë futbollistët braziianë.
