Përfaqësuesi i Lartë i BE-së për Politikë të Jashtme, Josep Borrell, ka reaguar pasi Rusia njohu pavarësinë e Luhanskut dhe Donetskut, territore brenda Ukrainës.
Borrell ka paralajmëruar reagim nga BE-ja dhe partnerët e saj ndaj kësaj lëvizje të Rusisë që shkel hapur të drejtën ndërkombëtare. Ai ka shtuar se kjo cënon hapur Marrëveshjet e Minskut mes Rusisë dhe Ukrainës.
“Njohja e dy territoreve separatiste në Ukrainë është një shkelje e hapur e ligjit ndërkombëtar, integritetit territorial të Ukrainës dhe marrëveshjeve të Minskut”, ka thënë Borrell.
“BE-ja dhe partnerët e saj do të reagojnë me unitet, vendosmëri dhe në solidaritet me Ukrainën”, shtoi ai.
Rusia ka njohur pavarësinë e Luhanskut dhe Donetskut, dy rajone në lindje të Ukrainës, një pjesë e të cilave kontrollohet nga forca pro-ruse të përkrahura nga shteti rus. Putin ka vendosur të njohë pavarësinë e Donetskut dhe Luhanskut, duke i njohur ato si shteteve të pavarura. Këtë ai e bëri në një paraqitje të drejtpërdrejt televizive.
The recognition of the two separatist territories in #Ukraine is a blatant violation of international law, the territorial integrity of Ukraine and the #Minsk agreements.
The EU and its partners will react with unity, firmness and with determination in solidarity with Ukraine.
— Josep Borrell Fontelles (@JosepBorrellF) February 21, 2022
