Anëtarët e Partisë Socialdemokrate ua kanë marrë çelësat e zyrtarëve të Zyrës së Rregullatorit të Energjisë. Një zyrtar i këtij institucioni, ka tentuar të futet në zyrën e tij por që e ka pasur të pamundur.
Ndërkohë, PSD po vazhdon protestën me fishkëllima duke kërkuar dorëheqjen nga kryetari i bordit dhe publikimin e vendimit për shtrenjtimin e rrymës.
Molliqaj ka kërkuar serish nga kryetari i Bordit ta paraqesë vendimin për shtrentim të energjisë.
Ai i tha se janë duke punuar me vendime të Qeverisë Kurti për ata edhe nuk kanë përgjigje.
“Na nuk do të shkojmë ju nuk jeni duke punuar jeni duke u sjellë si kapadai në zyre në vend që të jepni përgjigje për pyetjet tona. Drejtori i KEDS-it ka ble telefon me paret e rritjes së çmimit të energjisë? A ke ble edhe ti telefon? A është i yti?”, kanë qenë pyetjet e Molliqajt drejtuar Zejnuhallut.
Ndërkaq, më pas janë fikur dritat brenda zyreve të ZRRE-së derisa anëtarët e PSD-së po fishkëllejnë dhe po presin përgjigje.
