Gjykata Themelore e Prizrenit, ka caktuar një muaj paraburgim ndaj të pandehurit F.H., për shkak se ky i fundit e kishe kërcënuar me jetë punonjësin e gjykatës që më mënyrë zyrtare ia kishte dërguar ftesën se djali i tij duhet të paraqitet në gjykatë.
Sipas raportit të Prokurorisë, F.H, fillimisht ka tentuar t’i vërsulet dhe më pas e ka kërcënuar duke i thënë se do ta vras bashkë me gjyqtarët.
“Fillimisht tenton t’i vërsulet fizikisht, pastaj e ofendon me fjalë fyese dhe pastaj, i drejtohet të dëmtuarit me fjalët kanosëse ‘kam me ju vra edhe ty edhe gjyqtarët nëse bien kësi letra’, me ç ’rast të dëmtuarit i shkakton frikë, ankth dhe pasiguri”, thuhet në raportin e Prokurorisë.
Po ashtu prokuroria ka bërë të dituar se në këtë përfundim ka ardhur pasi që i pandehuri edhe në të kaluarën ishte përfshirë në vepra të ndryshme penale.
