Presidenti i Shqipërisë, Ilir Meta, e ka pritur sot në zyrën e tij ish-emisarin e Shteteve të Bashkuara të Amerikës për dialogun mes Kosovës dhe Serbisë, Richard Grenell, raporton Gazeta Express.
Meta shprehu vlerësimin e tij për angazhimin e Grenellit në forcimin e marrëdhënieve mes Shqipërisë dhe SHBA-së.
“Është gjithmonë kënaqësi ta kem Richard Grenell në Shqipëri dhe në zyrën time. Vlerësohet shumë angazhimi i tij në mbështetje të forcimit të mëtejshëm të marrëdhënieve dhe bashkëpunimit ndërmjet Shqipërisë dhe Shteteve të Bashkuara”, shkroi Meta në Twitter.
It's always a pleasure to have @RichardGrenell in Albania and in my office. His commitment in support of the further strengthening of the relation and collaboration between Albania and the United States is greatly appreciated. ???????????????????? pic.twitter.com/MbHU0UhmJ7
— Ilir Meta (@ilirmetazyrtar) November 9, 2021
Ish-emisari i Shteteve të Bashkuara të Amerikës për dialogun ndërmjet Kosovës, Richard Grenell sot e bëri të ditur se po qëndron në Shqipëri, duke publikuar disa fotografi nga Tirana, të cilin tha se amerikanët duhet ta vizitojnë. Ndërkaq shqiptarët, Grenell i konsideroi si “të mahnitshëm”.
