Deputetja e Lëvizjes Vetëvendosje, Shqipe Selimi, e cila është edhe bashkëshortja e Rexhep Selimit i ka adresuar një pyetje drejtorit të Policisë, Samedin Mehmeti nëse janë të gatshëm t’u përgjigjen kërkesës së Dhomave të Specializuara për mbrojtjen në liri të personave të akuzuar që gjenden në Hagë.
Në përgjigjen e tij, drejtori i Policisë ka thënë se për këtë çështje ka kërkuar të kursehen dhe të pyetet Gjykata Speciale, shkruan “Indeksonline”.
“Besoj që opinionin publik e dinë që neve na janë bërë kërkesa nga avokatët mbrojtës dhe i kemi adresuar kërkesat të avokatet të mbrojtës. Ndërsa pyetjen për dhomat e specializuara kisha pas dëshire të na kurseni nevem dhe t’i pyetni Dhomat e Specializuara. Avokatet mbrojtës kanë bërë kërkesa për kushtet për lirim edhe ne i kemi dërguar kapacitetin e mundësinë tonë për me siguri lirimin me kusht”, ka thënë Mehmeti.
