Ish-kreu i Marinsave Mbretërorë vdiq si pasojë e varjes pas “shqetësimeve” për martesën dhe karrierën e tij, u tha në një seancë hetimore në Britaninë e Madhe, raporton BBC.
Gjeneralmajor Matthew Holmes, 54 vjeçar, i cili shërbeu në Ksoovë, Irlandën e Veriut, Irak dhe Afganistan, ishte Komandant i Marinsave Mbretërore nga viti 2019, transmeton Gazeta Express.
Ai u gjet në një dhomë gjumi në shtëpinë e tij në Winchester, Hampshire, më 2 tetor.
Në një seancë dëgjimore në Winchester u tha se policia kishte reaguar në një incident në shtëpinë e familjes së tij më 22 shtator.
Mjeku ligjor i Hampshire, Jason Pegg tha në një seancë hetimore në Winchester: “Dyshohet se Matthew Holmes kishte një numër shqetësimesh në kohën e vdekjes së tij, përfshirë çështjet që lidheshin me martesën dhe karrierën e tij të shërbimit.”
Pegg tha se trupi i pajetë gjeneralmajor Holmes u identifikua zyrtarisht nga gruaja e tij, Lea.
Pas vdekjes së tij, homazhe bënë kryeministri i Britanisë, Boris Johnson dhe kekretari i Mbrojtjes, Ben Wallace.
Gjeneralmajor Holmes komandoi 42 komando marinsash mbretërorë nga viti 2006 deri në vitin 2008 dhe u emërua si shoqërues i Urdhrit të Shërbimit të Shquar për udhëheqjen e tij në operacionet në Afganistan në vitin 2007.
