Menjëherë kërkoni ndihmën e mjekut
Shfaqja e mpiksjes së gjakut në këmbë është një gjendje e rrezikshme e njohur edhe si trombozë e venave të thella (DVT).
Kjo gjendje trajtohet duke holluar gjakun, por nëse nuk ndodh ose nëse formohet kur nuk ka lëndime, mund të mbyllë ose bllokojë plotësisht një enë gjaku, transmeton Telegrafi.
Nëse ndieni dhimbje kur kryqëzoni këmbët, kur uleni galiç, kur përkulni këmbët ose vëreni ndryshime në lëkurë, këto janë sinjale të cilave duhet t’u kushtoni vëmendje të veçantë dhe të bëni një vizitë te mjeku.
Simptomat e mpiksjes së gjakut në këmbë ndodhin sepse qarkullimi i gjakut në venë është i bllokuar.
Te njerëzit e shëndetshëm, gjaku rrjedh nëpër vena dhe kthehet përsëri në zemër. Mirëpo, kur ka një mpiksje, gjaku nuk mund të kalojë nëpërmjet venës gjatë rrugës për në zemër, kështu që krijohet një bllokim i enëve të gjakut, i cili manifestohet si ënjtje.
Mbyllja në enët e gjakut dhe ënjtja do të thotë që presioni në vena është më i lartë, gjë që prek indet. Kjo është arsyeja pse një mpiksje gjaku në këmbë shkakton dhimbje, veçanërisht kur përpiqeni të përkulni këmbët.
Ngjyrosja e lëkurës
Nëse mpiksja bllokon venat në krahë ose këmbë, ato mund të “përmbyten” ose të bëhen të kuqe. Këto njollë të lëkurës mund të jenë gjithashtu një shenjë e tromboembolisë pulmonare – lëkura bëhet e zbehtë, kaltërosh dhe “ngjitet”.
Simptoma të tjera të mpiksjes së gjakut mund të përfshijnë:
▪ ënjtje,
▪ dhimbje,
▪ skuqje,
▪ lëkura është e ngrohtë në prekje,
▪ njolla të lëkurës
