Ministri i Financave, Avdullah Hoti, ka vlerësuar lartë raportin e Auditorit të Përgjithshëm, duke thënë që ka përmirësim të menaxhimit financiar në nivel vendi.
“Sa i përket disiplinës financiare mund të keni vërejtje sa të doni, por raportet ndërkombëtare flasin ndryshe. Dinamika e borxhit publik është më e ulët se ajo e qeverive të kaluara”, ka thënë Hoti.
Në lidhje me raportin e Auditorit ka pasur reagime nga deputetët e PDK-së, ku ndër të tjera është kerkuar që te eliminohen të gjeturat e këtij raporti.
Ky raport pritet që të votohet në seancën e ditës së nesërme.
