Kryetari i Partisë Demokratike të Kosovës, Menli Krasniqi, ka bërë të ditur se ka emëruar Faton Abdullahun, zëdhënës të PDK-së.
Kreu i PDK-së ka thënë se Fatoni i takon brezit të intelektualëve me traditë të thellë demokratike, i cili ka dhënë kontribut shoqëror e intelektual.
“Sot kam emëruar Faton Abdullahun, zëdhënës të Partisë Demokratike të Kosovës. Fatoni i takon brezit të intelektualëve me traditë të thellë demokratike, i cili ka dhënë kontribut shoqëror e intelektual në disa rrafshe, duke shërbyer si një kritik objektiv e kompetent për zhvillimet socio politike në shoqërinë tonë”, tha Krasniqi.
“Që prej ardhjes së tij në PDK, ai ka dhënë kontribut të çmuar në pikëpamje politike e tematike, ndërsa tani e tutje do jetë zë i PDK-së në qëndrimet tona publike”, shkroi ai në Facebook.
