Ngjarjet e fundit politike që kanë ndodhur në Shqipëri duket se nuk kanë ndikuar në gatishmërinë e Kosovës kur vjen puna tek solidarizimi në fatkeqësi.
Presidentja e Kosovës ka autorizuar dërgimin e trupave të FSK-së për të ndihmuar në situatën me zjarret për shkak se ato nuk po arrin të mbahen nën kontroll.
Presidentja bën të ditur se për këtë veprim ka informuar edhe Kuvendin e Kosovës
Ky është njoftimi i plotë i Presidencës:
Presidentja Osmani autorizon dërgimin e trupave dhe pajisjeve të FSK-së për ndihmë Shqipërisë në shuarjen e zjarreve
Pas vendimit të Qeverisë së Republikës së Kosovës për t`i ofruar ndihmë Republikës së Shqipërisë në shuarjen e zjarreve, Presidentja Vjosa Osmani, në cilësinë e komandantes supreme, në pajtim me kompetencat saj ka nënshkruar autorizimin për dërgimin e trupave dhe pajisjeve të FSK-së në operacion humanitar dhe në të njëjtën kohë e ka informuar për këtë veprim Kuvendin e Kosovës.
Trupat dhe pajisjet FSK-së, do t`i vihen në dispozicion autoriteteve shqiptare me qëllim të shuarjes dhe vënies në kontroll të zjarreve.
