Kryeministri i Kosovës, Albin Kurti pas miratimit të rezulutës që njeh dhe dënon gjenocidin serb në Srebrenic nga Parlamenti i Kosovës, ka thënë se ata që e mohojnë atë duhet të përballen me të kaluarën e tyre.
“Sot parlamenti ynë miratoi një rezolutë që njeh dhe dënon gjenocidin serb në Srebrenicë. Mohimi i gjenocidit në Srebrenicë është një akt i urrejtjes. Ata që e mohojnë atë duhet të përballen me të kaluarën e tyre, të marrin përgjegjësi për veprimet e tyre, të kërkojnë falje dhe të tregojnë pendimin”, ka shkruar Kurti në llogarinë e tij në Twitter.
