Debat i ashpër është zhvilluar në Puls të KTV-së, për reformën në administratën publike.
Ka qenë ministri i Administratës Publike, Mahir Jagcliar, që ka pranuar se reforma po ecën ngadalë.
“Rreth 80 mijë vetë marrin para nga buxheti i Kosovës. Kemi kërkesa edhe Komisioni Evropian për zvogëlimin e administratës publike”, ka thënë ai, teksa ka shtuar se edhe ai është i bindur se Qeveria duhet të zvogëlohet.
“Paga mesatare në shërbimin civil është 450 euro”, ka thënë Jagcilar. “Paga më e lartë është në Agjencinë e Privatizimit pastaj me punëtorë në ambasada”, ka thënë më tej.
Jagcilar ka treguar se në Kosovë janë të regjistruara mbi 7 mijë OJQ.
