Kryetari i AAK-së, Ramush Haradinaj, e ka cilësuar si të drejtë refuzimin e ftesës për takim me Vuçiqin me 11 maj që ka bërë Kryeministri Kurti.
Sipas Haradinajt, ai takim ishte caktuar nga Borell e Vuçiq pa konsultim me palën kosovare dhe si i tillë nuk duhet pranuar.
“Praktika e dakordimit Bruksel – Beograd, duke nxjerrë Kosovën para aktit të kryer, nuk do të pranohet asnjëherë nga Kosova” shkruan Haradinaj në Facebook.
Postimi i plotë:
Refuzimi i Kryeministrit Kurti të takimit të 11 majit është i drejtë.
Ai takim ishte caktuar nga Borell e Vuçiq pa konsultim me palën kosovare. Takimet e formatit të tillë, duhet paraprakisht të dakordohen me institucionet e Kosovës.
Praktika e dakordimit Bruksel – Beograd, duke nxjerrë Kosovën para aktit të kryer, nuk do të pranohet asnjëherë nga Kosova.
RH
