Vajza e heroit të kombit, Hamëz Jashari dhe e mbijetuara e betejës historike të 5,6 dhe 7 Marsit, Besarta Jashari ka emocionuar me një shkrim dedikuar vetëflijimit të familjes së saj.
Ajo ka thënë se çdo gjë do të ishte e rëndomtë pa aktin unik të vetëflijimit për LIRI të familjes së saj.
Përmes një fotografie të manifestimit për Natën e Zjarreve në Prekaz, Besarta tha se ky zjarr është i veçantë, sepse na ndriçon neve të ardhmen.
“E kush synon të na rrezikoj këtë LIRI, ky zjarr është përgjigjja“, u shpreh ajo.
Postimi i plotë:
Do të ishte e rëndomtë…
edhe nata,
edhe zjarri,
do të ishin të rëndomta sonte…
edhe muaji Mars, do të ishte i rëndomtë…
edhe unë do të isha e zakonshme, thjeshtë një Besartë !
…
Çdo gjë do të ishte e rëndomtë, pa aktin unik të vetëflijimit për LIRI të familjes tonë.
Andaj,
ky muaj dhe kjo natë, janë të veçanta…
edhe ky zjarr është i veçantë, duke na ndriçuar neve të ardhmen, e kush synon të na rrezikoj këtë LIRI, ky zjarr është përgjigjja !
…
Gëzuar Epopeja e Ushtrisë Çlirimtare e Kosovës
E juaja,
Besarta Hamëz Jashari
