Mbi 1200 raste aktive në Prishtinë, drejtori i Shëndetësisë: Kjo është alarmante

Gashi ka shkruar në Facebook se që nga data 20 mars deri sot në Prishtinë janë konfirmuar 1963 raste me COVID-19, prej të cilave 1209 raste janë ende aktive.

“Alarmante dhe shqetësuese rritja e shpejtë dhe e vazhdueshme e rasteve të reja me #covid19 në gjithë Kosovën, e sidomos në Prishtinë. Bazuar në të dhënat e marra nga IKShP dhe raportin e konsoliduar nga Shtabi Emergjent në Prishtinë del se momentalisht, që nga data 20 Mars deri sot kemi 1963 raste me #covid19 prej të cilave 1209 raste janë ende aktive. Kemi 732 raste të shëruara dhe zyrtarisht të konfirmuara 22 raste që kanë përfunduar me fatalitet”, ka shkruar Gashi.

Ai shton se mbajtja e maskës është  një prej tri rregullave kryesore dhe masave mbrojëse për parandalimin e përhapjes së virusit dhe rëndimin e situatës edhe më shumë.

“Të gjithë e kemi obligim që të ruajmë veten dhe të tjerët rreth nesh e të jemi të ndërgjegjshëm”, ka shkruar Gashi.

PostAdss