Ndihmat e Shteteve të Bashkuara të Amerikës për Republikën e Kosovës nuk kanë fund.
Kësaj here një kontingjent me automjete të blinduara është nisur nga SHBA-të, dhe pritet që sonte të hyjnë në territorin e vendit tonë.
Dhjetëra automjete që do t’i shërbejnë Forcës së Sigurisë së Kosovës, ndërsa në fotografitë e shpërndara në rrjete sociale shihen disa kamionë që bartin këto automjete.
Koordinatori i “Sfidat e Mijëvjeçarit”, Petrit Selimi në Twitter shkruan se ky kontingjent arrin sonte në Republikën e Kosovës, teksa thotë se është tregues i një marrëveshje që i siguron Forcës së Sigurisë së Kosovës, armë amerikane ndërsa kalon në një forcë ushtarake e arsyeshme në NATO.
“Dërgesa e re e dhjetëra automjeteve të blinduara për ushtrinë e Kosovës që mbërrijnë sonte në Kosovë, tregues i një marrëveshjeje që siguron Forcën e Sigurisë së Kosovës, armë amerikane ndërsa kalon në një forcë ushtarake e arsyeshme në NATO”, shkruan Selimi.
The new shipment of dozens of armoured vehicles for #Kosovo army arriving tonight in Kosovo, feature of an agreement providing Kosovo Security force, American weaponry as it transitions into a @NATO comptible military force. pic.twitter.com/fsdxZpXYOg
— Petrit Selimi (@Petrit) July 21, 2020
Rreth dy vite më parë nga Amerika në Kosovë, po ashtu kishin arritur 24 automjete ushtarake “Humvee”.
Këto automjete, i kishin kushtuar buxhetit të Kosovës rreth 7 milionë euro.
Për formimin e ushtrisë, Kosova mori mbështetje të fuqishme nga Shtetet e Bashkuara të Amerikës.
Ambasadori amerikan në Kosovë, Philip Kosnett, kishte thënë se evoluimi i FSK-së në Forca të Armatosura është hap pozitiv dhe është mese e natyrshme për Kosovën si vend sovran dhe i pavarur, që të ketë aftësi vetëmbrojtëse.
