Ngritja e aktakuzave nga Gjykata Speciale ndaj pjesëtarëve të Ushtrisë Çlirimtare të Kosovës, kanë nxitur replika të ashpra mes sekretarit të OVL-UCK-së, Faton Klinakut dhe anëtares së LDK-së, Melihate Tërmkolli.
Anëtarja e LDK-së, ka thënë se Gjykata Speciale nuk po e gjykon UÇK-në, por individë.
“Nuk mendoj se po gjykohet UÇK-, presidenti e ka ditë prej fillimi edhe kryetari i PDK-së, e ka ditë që janë pjesë e këtij procesi. Nuk po gjykohet UÇK e cila ka luftu për drejtën e këtij vendi”, ka deklaruar ajo në Debat Plus në RTV Dukagjini.
Pas kësaj ka reaguar sekretari i OVL- UÇK-së, Faton Klinaku, duke thënë se është duke u gjykuar UÇK, pasi që po thirren të gjitha strukturat e saj.
“Si nuk po gjykohet UÇK kur thirren të gjithë strukturat e saj, kur thirren komandantët. Kosova duhet t’i ndjek kriminelët serb, sepse këtu kanë ndodhur krimet”, pohoi ai.
