Koalicioni duhet të bëjë riformatim të thellë të Qeverisë

Anëtari i Kryesisë së Partisë Demokratike të Kosovës, Rrustem Mustafa-Remi, thotë se koalicioni i madh PDK-LDK nuk është duke i përmbushur pritjet e tij dhe të të tjerëve.
Në një intervistë për “Epokën e re”, Remi theksoi se koalicioni qeverisës ka ngelur në një vend dhe nuk po ka zhvillim në asnjë segment.
Remi tha se për të dalë nga situata aktuale politike, koalicioni qeverisës duhet t’i nënshtrohet një formatimi të thellë, duke potencuar se në kuadër të këtij riformatimi, PDK-ja të marrë rol më të fuqishëm në qeveri.
Ai nuk e ka përjashtuar mundësinë që në këto ndryshime të ndërrohet edhe kryeministri dhe të zgjedhohet koalicioni qeverisës.
Remi është shprehur kundër mbajtjes së zgjedhjeve të parakohshme, pasi sipas tij, do ta sillnin të njëjtën skenë politike.