Lajçak: Kryeministri i Kosovës do të udhëheqë negociatat me Serbinë, datën e caktojmë pas vizitës në Beograd

Lajçak tha se ka takuar presidentin e Kosovës, Hashim Thaçi dhe kryeministrin, Avdullah Hoti, dhe të dy ata i ka informuar për proceset dhe planet në lidhje me rifillimin e dialogut.

“I informova për planet dhe procesin që i kemi para nesh edhe kryeministrin edhe presidentit, nuk iu dhanë kurrfarë ftese por i diskutuam dhe do të dërgojmë ftesën pas vizitës sime në Beograd. Do ta shihni, unë nuk jam këtu për të zgjedhur partnerët. Unë e respektoj faktin se Qeveria është duke e udhëhequr negociatat dhe kryeministri është ai që do të udhëheqë negociatat dhe këtë e kemi diskutuar me kryeministrin. Nuk dua të bëj shpallje apo ndonjë datë, para se ta përfundojë vizitën në Beograd”, tha Lajçak.

Ai tha se është i gatshëm e i përkushtuar të rifillohet dialogu pa vonesa, për një marrëveshje gjithëpërfshirëse mes Kosovës e Serbisë.

“Kam theksuar se Kosova duhet të jetë e bashkuar në dialog dhe dialogu duhet të vendoset mbi politikën, ashtu siç duhet të vendoset edhe integrimi evropian mbi politikën”, tha Lajçak.

Ai u shpreh i lumtur që dialogu i lehtësuar nga BE-ja është prioritet për Qeverinë e Kosovës, dhe tha se pret që dialogu do të rifillojë së shpejti, ku paralajmëroi një takim javën e ardhshme me presidentin e Serbisë, Aleksandar Vuçiq.

PostAdss