Sipas ish deputetit të Nismas Social Demokrate, Zafir Berisha, Kryeministri në detyrë, Albin Kurti ka nevojë për trajtim psikologjik.
“Kurti e ka tepruar dhe kam dilema për shëndetin psikik të tij. Veprimet, gjestet e tij vënë në dyshim, ose ose nuk e kemi lexuar mirë Albinin. Po llogaris që ai njeri a është i vetëdijshëm për sjelljet, veprimet dhe deklarata e tij me të cilat po dëmton shoqërinë kosovare”, është shprehur Berisha, njofton Klan Kosova.
“Kam të drejtë të kem mendimin tim. Telenovelat e tij me mimika nëpër konferenca, serialet që jep për të ushqyer militantizmin e tij politik më bën të dyshoj. S’jam psikolog. Kam dilema rreth shëndetit psikik të Kurtit”.
Berisha është shprehur në edicionin special në Klan Kosova se Kurti qëndron në krye të listës për trajtim psikologjik.
“Shumë politikanë kanë nevojë për trajtim psikologjik dhe ai është në toplistë që duhet të trajtohet. Asnjë deklaratë e tij nuk përkon me realitetin në Kosovë”, u shpreh Berisha.
