Pas disa javësh zgjohet nga koma – i moshuari e kupton që është i infektuar me coronavirus, dhe që sëmundja ka kapluar botën

Sipas mediave të huaja, përcjell Telegrafi, Brian Harvey, 69 vjeç, ishte vendosur në kujdes intensiv në muajin mars, dhe rezultoi pozitiv me COVID-19, pasi u fut në gjendje kome.

Ai ishte pranuar në spital me pneumoni, por nuk ishte i vetëdijshëm se ishte i prekur me coronavirus, si dhe nuk ishte në dijeni se ishte përhapur në të gjithë Mbretërinë e Bashkuar.

Kur Harvey u vendosë në kujdes intensiv rreth 5,000 njerëz në Britani kishin rezultuar pozitivë me rreth 230 vdekje të regjistruara.

Ai doli nga koma katër javë më vonë, por e kaloi edhe një javë tjetër para se të vinte në vete.

Familja e tij u detyrua t’i tregonte atij për krizën globale shëndetësore, pasi ai e kishte harruar plotësisht shpërthimin.

PostAdss