Shefi i grupit parlamentar të AAK-së, Pal Lekaj tha sot në Kuvend se secili qytetarë në botë na e ka lakmi kur e dëgjon kryeministrin Isa Mustafa teksa flet për gjendjen në Kosovë, por sipas Lekajt,, situata është krejt ndryshe.
Ai në seancën e Kuvendit ka pyetur “cilën marrëveshje që e ka nënshkruar Edita Tahiri i ka sjellë dobi vendit?”, raporton lajmi.net
“Edhe në këtë marrëveshje është e njëjtë. Më këtë marrëveshje dita ditës po cenohet Kosova. Marrëveshja për kodin nuk precizon, nëse është për kod shtetëror apo territorial, ashtu sic kanë deklaruar zyrtarët serb”, tha ai.
Lekaj tha se kjo marrëveshje legalizon operimin e kompanive serbe ilegale të Serbisë.
