Ish-zëvendëskryeministri, nënkryetari i PDK-së, Enver Hoxhaj, përmes një shkrimi në rrjetin social Twitter, ka shkruar se Shtetet e Bashkuara zyrtarisht e futën në listë me Shtetin Islamik edhe Lëvizjen Perandorake Ruse, si një grup terrorist.
Hoxhaj, në shkrimin e tij ka thënë se ky grup terrorist u përfshi edhe në grusht shtetin në Malin e Zi.
Sipas deputetit të Partisë Demokratike të Kosovës, kjo Lëvizje është një mjet rus për të destabilizuar Ballkanin dhe Evropën.
“Shtetet e Bashkuara zyrtarisht e futën në listë me Shtetin Islamik edhe Lëvizjen Perandorake Ruse, si një grup terrorist. Ky grup terrorist që u përfshi edhe në grusht shtetin në Malin e Zi, është një mjet rus për të destabilizuar Ballkanin dhe Evropën”, ka shkruar Hoxhaj në Twitter, derisa ka shpërndarë një link të Foreign Policy, ku thuhet se qeveria amerikane ka shpallë këtë lëvizje grup terrorist.
United States designates officially the Russian Imperial Movement in the list with the Islamic State as a terrorist group. This terrorist group was also involved in coup d’etat in #Montengro, is a #Russian tool to destabilize Balkans and Europe elsewhere https://t.co/hvaIv8oRAE
— Enver Hoxhaj (@Enver_Hoxhaj) April 7, 2020
Shtetet e Bashkuara e kanë etiketuar grupin ultra-nacionalist Lëvizjen Perandorake Ruse, një organizatë terroriste, tha sot një zyrtar i Departamentit të Shtetit.
Anëtarët e grupit me seli në Rusi e konsiderojnë veten si nacionalistë ortodoksë rusë që mbrojnë restaurimin e monarkisë dhe favorizojnë interesat e rusëve etnikë, ukrainasve dhe bjellorus, raporton Reuters.
