Policia franceze po luan rol kyç në kohën kur i tërë vendi është bllokuar si preventivë ndaj përhapjes së coronavirusit, megjithatë ka pasur shumë ankesa nga qytetarët për sjelljet e tyre të dhunshme ndaj qytetarëve që nuk po i respektojnë masat e kufizimit të lëvizjes.
Ata janë vënë në vijën e parë të frontit kundër luftës me COVID-19, dhe të gjithë ata që nuk respektojnë masat e vëna nga qeveria do të dënohen me 150 euro – me një fjalë ata që kapen nëpër rrugë pa leje që e dëshmon pse kanë dalë, do të dënohen, transmeton Telegrafi.
Por një seri e videove të postuara në internet, shfaqin zyrtarët policorë duke thyer rregullat shëndetësore duke qëndruar afër njëri-tjetrit dhe shumë pak prej tyre po bartnin maska mbrojtëse. Madje në disa raste ata shihen duke ushtruar dhunë ndaj qytetarëve.
Interpellation D’une femme par les forces de l’ordre car elle avait pas l’attestation et elle refuse l amande !!#confinementjour2 #Confinementotal #COVID19 #Paris pic.twitter.com/QKEjnqcInf
— Amar Taoualit (@TaoualitAmar) March 18, 2020
Por, Benoit Baret nga policia franceze ka bërë të ditur se kolegët e tij janë baba, nëna e vëllezër, dhe se sipas tij “ata kanë të drejtë të jenë policë – por jo edhe shpërndarës të virusit”, duke aluduar në atë që të përdorin masa mbrojtëse.
Një video shfaq policët duke e goditur me shqelm një qytetar që kishte shkelur masat e kufizimit, e një pamje tjetër shfaq persona të përplasur dhe shtrirë në tokë nga policia.
L’unité nationale se porte bien.
pic.twitter.com/Cix3qga338— Taha Bouhafs (@T_Bouhafs) March 19, 2020
Shumë qytetarë janë të mendimit se forcat e rendit po tejkalojnë kompetencat duke përdorur pa nevojë forcë të tepruar.
