Deputeti i LDK-së, Arban Abrashi, ka thënë se qeveria po e shtyn heqjen e taksës për shkak të zgjedhjeve lokale që do të mbahen në Podujevë.
Abrashi, i cili ishte në një tubim elektoral të kandidatit të LDK-së, për kryetar të Podujevës, përmes një postimi në Faceboook, ka thënë se “në mesin e shumë arsyeve, heqja e tarifës po shtyhet edhe për shkak të garës në Podujevë”.
“Sot një javë, janë zgjedhjet në Podujevë; e në mesin e shumë arsyeve, heqja e tarifës po shtyhet edhe për shkak të garës në Podujevë
Ndërlidhja e vendimmarrjes për heqjen e tarifës me zgjedhjet në Podujevë, është gabim dhe keq që ka ndodh. Kryetari i ri i Podujevës do të jetë Nexhmi Rudari! Nuk mund të na prishni me Washington!”, ka shkruar Abrashi.
Në Podujevë më 15 mars, në zgjedhje të jashtëzakonshme, do të votohet për kryetar të komunës, pasi ish-kryetari i kësaj komune, Agim Veliu, dha dorëheqje për ta marrë postin e ministrit të Punëve të Brendshme.
Në garë për kryetar të Komunës janë: Nexhmi Rudari nga LDK, Shpejtim Bulliqi nga LVV dhe Naim Fetahu nga PDK.
