Mustafa paralajmëron takimin me Kurtin, shpreh përkushtimin për marrëveshje me LVV-në

Kryetari i Lidhjes Demokratike të Kosovës, Isa Mustafa ka arritur në selinë e partisë, ku pritet të mbahet një takim me Kryesinë e LDK-së.

Mustafa para se të hyjë në parti tha se beson që sot do të ketë një takim me Kurtin, por që ende nuk është caktuar ora.

“Po besoj se sot do të kemi një takim me Kurtin, mirëpo akoma nuk e kemi caktuar orën”, u shpreh Mustafa.

Kreu i LDK-së tha se janë të përkushtuar për të arritur marrëveshjen, pasi nuk ka kuptim të vazhdohet më kështu.