Shefja e BE-së në Kosovë Natalya Apostolova, tha se është e interesuar të shohin Qeverinë e re, raporton Ekonomia Online.
Apostolova pas takimit me përfaqësues të LDK-së, tha se ky është një takim i rregullt që u bëhet të gjitha partive.
“Kjo është një vizitë normale që jemi duke bërë nga të gjitha partitë, nuk ka ndonjë lajm prej nesh”, u shpreh Apostolova, duke theksuar se sigurisht që duam të shohim Qeverinë e re të
formuar.
Kjo vizitë vjen pas vizitës së djeshme që ia bënë kësaj partie ambasadori amerikan Kosnett dhe ai britanik Abbott.
Dy partitë, LDK-ja dhe VV-ja kanë pasur thirrje të vazhdueshme nga ndërkombëtarët që të përmbyllin marrëveshjen dhe të krijojnë qeverinë e re.
