Ambasadori i Shteteve të Bashkuara të Amerikës në Kosovë, Philip Kosnett, ka kërkuar nga ministritë dhe komunat e Kosovës që të publikojnë procedurat për raportimin dhe hetimin e pretendimeve për mashtrim dhe korrupsion.
Kosnett thotë se është mjaft i interesuar në luftën kundër krimit të organizuar dhe korrupsionit në Kosovë.
Ai në një shkrim në rrjetin social Twitter, në internet, thotë se sfidon komunat dhe ministritë t’i publikojnë procedurat e tyre për rastet e tilla.
“Kohët e fundit kemi publikuar linjën tonë për raportimin e supozuar të parregullsive në punësimin dhe prokurimin e Ambasadës. Ne sfidojmë ministritë dhe komunat e Kosovës që të publikojnë procedurat e tyre për raportimin dhe hetimin e pretendimeve për mashtrim dhe korrupsion”, ka shkruar Kosnett në Twitter.
We recently publicized our hotline for reporting alleged improprieties in Embassy hiring and procurement. We challenge #Kosovo ministries & municipalities to publicize their own procedures for reporting & investigating allegations of fraud and corruption. https://t.co/jLavxQhfMU pic.twitter.com/r4ByFcxwBQ
— Ambassador Philip S. Kosnett (@USAmbKosovo) January 17, 2020
