Të paktën pesë persona u vranë dhe gjashtë të tjerë u plagosën nga të shtënat në një bankë në qendër të qytetit Louisville.
Paul Humphrey, zëvendës-shefi i Departamentit të Policisë së Metrosë në Louisville, tha se policia mori telefonata për të shtëna në Old National Bank rreth orës 8:30 të mëngjesit dhe kur mbërritën në vendngjarje, “ata hasën në të shtëna aktive me armë zjarri ende në zonë. ”
Shefi Humphrey tha se i armatosuri i dyshuar, i cili nuk është identifikuar ende, u konfirmua i vdekur në vendngjarje. “Ne nuk i dimë saktësisht rrethanat e vdekjes së tij në këtë moment,” tha ai. Nuk dihet ende se cili mund të ketë qenë motivi i tij, shkruan NY Ttimes.
Pesë persona u vranë brenda bankës, tha zëvendësshefi, dhe të paktën gjashtë persona duke përfshirë një oficer policie u dërguan në spital.
Banka është pranë rrugës nga fusha e Louisville Slugger, një stadium bejsbolli i ligës së vogël ku luajnë Luisville Bats.
