Presidentja e Kosovës, Vjosa Osmani e ka kujtuar 25-vjetorin e masakrës së Rezallës, ku më 5 prill të vitit 1999, forcat serbe rrethuan shtëpitë e fshatit Rezallë dhe në mënyrë mizore vranë 98 djem e burra.
Eshtrat e 44 të vrarëve janë gjetur disa vite më pas në Rudnicë të Rashkës.
Osmani ka thënë se është e nevojshme dhe e domosdoshme, që autoret e krimit të dalin para drejtësisë.
“Regjimi kriminal serb kreu krime të tilla makabër kudo nëpër Kosovë, ndaj sjellja para drejtësisë e autorëve të krimit është e nevojshme dhe e domosdoshme. Drejtësi për viktimat dhe kujtim i përhershëm për to! Qoftë i përhershëm kujtimi për të gjithë të rënët për liri”, ka thënë Osmani, njofton Presidenca.
