Policia e Kosovës ka gjobitur një 22-vjeçar pasi i njëjti ka zhvilluar shpejtësi 115 kilometra në orë në zonën 50 kilometra në orë në fshatin Talinovc i Muhaxherëve në Ferizaj.
Sipas njoftimit, bëhet e ditur se policia ndaj 22-vjeçarit shqiptoi gjobë në vlerë prej 300 euro, 3 pikë negative, dhe heqje e patentë shoferit për tre muaj.
“Me këtë rast, Drejtoria Rajonale e Policisë në Ferizaj apelon tek shoferët e automjeteve që të respektojnë shenjat e komunikacionit. Veprimet e tilla rrezikojnë direkt jetën e pjesëmarrësve në komunikacion dhe fton qytetarët të bashkëpunojnë me policinë”, thuhet në njoftimin e policisë./PrishtinaPress/
