21 Tetori është Dita Botërore e Kursimit të Energjisë, që synon ta ngrisë vetëdijen ndaj përdorimit sa më të arsyeshëm të energjisë elektrike si dhe kursimit të saj.
Për të folur për rëndësinë dhe mënyrat e kursimit të energjisë elektrike, KEDS ka bashkëpunuar me shkollën “Mileniumi i Tretë” në Prishtinë, ku nga ekspertiza e kompanisë sonë është mbajtur një ligjëratë online në lidhje me këtë temë, me të gjithë nxënësit e kësaj shkolle.
Gjatë kësaj ligjërate informative, z. Sabri Tërnava nga KEDS, këshilloi nxënësit që të mos e shohin kursimin vetëm si një destinacion për të arritur vetëm në periudha ose kriza të caktuara, por si një rrugëtim i vazhdueshëm dhe i përbashkët. Mes tjerash, Tërnava ndau me nxënësit edhe këshilla të vlefshme dhe praktike në lidhje me ruajtjen e energjisë. /Prishtinapress/
