Kur po shënohen dy vjet nga fillimi i agresionit rus në Ukrainë, presidentja e Kosovës, Vjosa Osmani ka shprehur mbështetje për Ukrainën.
Osmani tha se Kosova e di se si është të paguash çmim për liri, teksa shprehu solidarizim për humbjet e deri tanishme.
“Ne qëndrojmë me Ukrainën sepse e dimë se si është të paguash çmimin më të lartë për lirinë. Ne e dimë dhimbjen e humbjes së fëmijëve të pafajshëm; të dhunës seksuale gjatë luftës; e varreve masive me eshtrat e njerëzve tanë të dashur. Por liria fitoi dhe do të mbizotërojë përsëri! Slava Ukraina!”, ka shkruar në “X” Osmani.
