Konsumi i përditshëm i gatuar i fasuleve është i lidhur me një përqendrim më të ulët të të ashtuquajturit kolesterolit të keq (LDL) në gjak. Efekt të njëjt kanë edhe bishtajoret e tjera si për shembull bizelja.
Hulumtuesit kanadezë nga Spitali St Michael në Toronto, bazuar në monitorimin e 1.037 të anketuarve, llogaritën se konsumi ditor i gatuar i fasuleve apo bishtajoreve të tjera mund të jetë i lidhur me përqendrim më të ulët të kolesterolit LDL në gjak deri në pesë për qind.
Pjesëmarrësit në këtë studim i konsumuan këto ushqime në një kohëzgjatje mesatare prej gjashtë javësh, ndërsa sasia e bishtajoreve që konsumuan ishte shumë e vogël, rreth tri të katërtat e një filgjani.
Shumica e të anketuarve ishte i moshës së mesme, me moshë mesatare 51 vjeç, ndërsa ushqimet bishtajore në kontrollin e kolesterolit të keq kanë qenë pak më të efektshme tek meshkujt.
Studiuesit shpjegojnë se një pjesë e madhe e fasuleve dhe bishtajoreve të tjera në ushqim rezultojnë me reduktim të konsumit të ushqimeve me sasi të larta të yndyrës ose indeksit më e lartë glikemik.
Përveç kësaj, bishtajoret janë një burim i mirë i fibrave, proteinave me origjinë bimore, vitaminave dhe mineraleve.
