Aksident i rëndë ka ndodhur në hyrje të qytetit të Policanit. Një mjet ka dalë nga rruga dhe ka rënë nga një lartësi. Raportohet për 1 te vdekur dhe 3 te plagosur rende,mes te plagosurve edhe nje vajze rreth 14 vjece.
Në moshën 15-vjeçare, drejtimi i një automjeti është i ndaluar. Por kjo nuk e ka penguar një adoleshent, që të marrë timonin e një “Alfa Romeo” me në bord disa të mitur të tjerë.
“Në rrugën rurale të fshatit Plirëz, Poliçan shtetasi F.Z., 15 vjeç, duke drejtuar mjetin tip ‘Alfa Romeo’, ka humbur kontrollin mbi mjetin dhe për pasojë mjeti ka dalë nga rruga. Si pasojë ka humbur jetën shtetasi A.Z (pasagjerë në mjet) rreth 15 vjeç si dhe janë dëmtuar shtetasi F.Z (drejtues mjeti), dhe dy shtetase të tjera të mitura që ndodheshin në mjet”, njoftoi policia.
Të dëmtuarit janë transportuar në spital dhe ndodhen nën kujdesin e mjekëve, ndërsa grupi hetimor po punon për përcaktimin e shkaqeve të aksidentit.