Sonte në emisionin “Komiteti Qendror” – drejtuar nga Berat Buzhala, Leonard Kerquki dhe Shpend Limoni – prodhim i Gazetës Express për RTV Dukagjinin, kreu i Aleancës Kosova e Re, Behgjet Pacolli, ka folur për vënien e drejtësisë në Kosovë, duke dënuar njerëzit që, sipas tij, e kanë dëmtuar vendin tonë.
Pacolli ka thënë se ekzistojnë 20 persona që kanë dëmtuar vendin që nga paslufta, ndëshkimi i të cilëve do të pastronte vendin nga e keqja.
“Njëzet persona janë e keqja e Kosovës. Nuk ka parti të mira dhe të këqija, por ka njerëz të mirë apo të këqij, dhe të tillë janë të gjithë ata që kanë mashtruar, gënjyer e vjedhur. Të gjithë këta duhet të dalin para drejtësisë”, është shprehur kreu i AKR’së në ”Komiteti Qendror”.
